ҒЫЛЫМИ-ӘДІСТЕЛІК ЖҰМЫС ЖОСПАРЫ
ЖҰМЫС БЕРУШІ КҮНІ ӨТТІ
Бүгін колледжімізде техникалық және кәсіптік, орта білімнен кейінгі білім беру ұйымдарында кадрларды даярлау сапасын арттыру, жұмыс берушілермен одан әрі тиімді өзара байланысты нығайту мақсатындағы "Жұмыс беруші күні" өтті. Шараға Бейнеу аудандық білім бөлімі, жалпы білім беретін орта мектептердің кәсіптік бағдар бойынша мамандары, балабақша әдіскерлері қатысты.
Шараның ашылуында директордың оқу-өндірістік тәжірибе жөніндегі орынбасары Серік Әділ сөз сөйлеп, колледж психологі Акмарал Жумагазина қатысушылармен "Іскерлік қарым-қатынас" тренингін жүргізді. Шараның теориялық бөлімінде директордың оқу-әдістемелік жұмыстар жөніндегі орынбасары Гулжамал Жаңбырова" Индустриялық кеңес жұмысының кәсіптік білім берудегі орны" тақырыбындағы баяндамасын оқы
Жұмыс беруші күнінің теориялық бөлімінде колледжде оқытылатын
"Мектепке дейінгі тәрбие және оқыту" "Орыс тілі мен әдебиеті мұғалімі" "Шетел тілі мұғалімі" "Кітапханашы" "Дене тәрбиесі мұғалімі" мамандығының білім алушылары тәжірибелік жұмыстарынан, мамандықтардың жетістіктерінен таныстырылымдарын ортаға салды.
Бүгін «Ұлы даланың ұлы перзенттері» атты ауызша журналдың алғашқы номері тыңдарман көпшілікке ұсынылды. Қазақ әдебиетінің көрнекті өкілдері мен қоғам қайраткерлерінің мерейтойларына байланысты шығарылатын бұл журналдың алғашқы саны ұлттың рухани ұстазы Ахмет Байтұрсыновтың туғанына 150 жыл толуына арналды. Шара ірi ғалым-лингвист, әдебиет зерттеушi, тюрколог, дарынды ақын-аудармашы, композитор Ахмет Байтұрсыновтың қазақ халқы үшiн еткен еңбегiн жан-жақты танытуға бағытталды. Студенттер А.Байтұрсыновтың «Әдебиет танытқыш», «Тіл - құрал» еңбектері, төте жазуы мен мақалалары туралы деректерді қазақ, орыс, ағылшын тілдерінде баяндап, «Қырық мысал», «Маса» өлеңдер жинағынан өлеңдерді нақышына келтіре оқыды. Д.Несіпбаевтың орындауындағы Ахметтің «Аққұм» әні тыңдалды. Ауызша журнал Ахметтің келер ұрпаққа айтқан "Біз кейін қалған халықпыз. Ал жұрттан кем болмау үшін білімді болуымыз керек, бай болуымыз керек, күшті болуымыз керек. Білімді болу үшін оқу керек, бай болу үшін кәсіппен айналысу керек, күшті болу үшін бірлігіміз болуы керек" – деген өсиетімен түйінделді.
ТАРТЫСТЫ ӨТКЕН ТАНЫМДЫҚ САЙЫС
Колледждегі білім алушылар арасында тәңірінің маңғыстаулықтарға нәсіп еткен өлшеусіз ұлы қазынасын, рухани дәулетін қаншалықты танып-білетіндіктерін байқау, туған жерге деген сүйіспеншіліктерін арттыру мақсатында "Маңғыстаунама" танымдық сайысы өтті.Сайыс 4 кезеңнен тұрды: оларда Маңғыстау тарихы, сәулеті, географиясы, мәдениеті, өнері, әдебиетіне негізделген сұрақтар, сурет, видео сұрақтар, тарихи шығармалардан көрініс көрсету, жергілікті ақын, сазгерлердің шығармаларын орындау тапсырмалары болды.
Қазылар алқасының шешімімен 1-орын- "Бесшоқы" тобына, 2-орын-"Бозжыра" тобына, 3-орын- "Nomad" тобына берілді. Көне күндер керуенінің қоңырау күмбіріндей осынау киелі мұралар жастарымыздың жандарына сыр, жанарларына нұр болып ұяласын!
ТӘУЕЛСІЗДІК КҮНІНЕ АРНАЛҒАН "ТАТУ ТЕАМBULDING"
Оқытушылар арасында еліміздің ең ұлық мерекесі Тәуелсіздік күніне арналған ұжымды командалық өзара іс-қимылға жұмылдыратын шара өтті.
Teambulding
криптограмма шешу мозаика құрастырубэкроним"кім епті" кезеңдерінен тұрды. Бұл кезеңдерде тәуелсіздік және ел тарихына арналған қызықты тапсырмалар берілді.Кезеңдер бойынша жоғары ұпай жинаған "Ақ көгершін" тобы жеңіске жетті.
Мерейлі мерекені атап өтуге арналған корпоративтік демалыс шарасы тартысты әрі қызықты өтті.
Нәтижеге бағытталған - меморандум!
Бүгін "Talap" КеАҚ ұйымдастыруымен, Маңғыстау Облысының Білім Басқармасы қолдауымен "Бейнеу гуманитарлық колледжі" МКҚК алдағы уақытта ынтымақтастықта бірлесіп нәтижелі жұмыс жүру үшін "Түпқараған гуманитарлық-кәсіптік колледжімен", Астана халықаралық университеті педагогикалық колледжімен, Абай облысы білім басқармасының "М.Әуезов атындағы педагогикалық колледжімен", «Қызылорда облысының дене шынықтыру, спорт және туризм басқармасының Жалаңтөс Баһадүр Сейтқұлұлы атындағы олимпиадалық резервтің облыстық мамандандырылған мектеп-интернат- колледжімен», Қостанай облысы әкімдігі білім басқармасы "Н.Құлжанова атындағы Торғай гуманитарлық колледжімен" меморандумға қол қойдық. Әріптестеріме еңбектеріңізге шығармашылық табыс тілеймін. Әрқашанда шығар шыңдарыңыз биік болсын
ПЕДАГОГТАРҒА АРНАЛҒАН СЕМИНАР ӨТТІ
Білім беру ұйымдарындағы педагогтарды аттестациялау қағидаларымен таныстырып, педагогтарды қолдау, портфолиосын әзірлеуге көмектесу мақсатында "ПЕДАГОГ АТТЕСТАЦИЯСЫ: ОҚЫТУ, ЗЕРТТЕУ, ТӘЛІМДЕУ" тақырыбында әдістемелік —тәжірибелік семинар өтті.
Семинарда басшының ғылыми—әдістемелік жұмыстар жөніндегі орынбасары Гулжамал Жаңбырова ПББ ережелері жайлы түсіндірсе, колледж әдіскері Tolkin Kadir педагог портфлиосына қойылатын талаптарды таныстырды.
ДЕБАТ ӨТТІ
«БАЛАЛАР –ИНТЕРНЕТ – МЕДИА ҚАУІПСІЗДІК» білім алушылардың ақпараттық қауіпсіздігін қамтамасыз ету мақсатындағы жоспарға сәйкес «Виртуалды әлем – қарсы және қарсы емес» – тақырыбында дебат өтті.
Дебаттың мақсаты виртуалды әлемге байланысты студенттердің білімдерін нығайту, тиянақтау.
Қатысқан "Үкімет" және "Оппозиция" топтары өз көзқарастарын ортаға салды.
Өткізілген дебат тақырыбы колледждегі дебат клубы мүшелері үшін қызықты болды.
