Новости

БІЛІМ ЖАРЫСЫ БАСТАЛДЫ

 "WORLDSKILLS Kazakhstan - 2024" ЧЕМПИОНАТЫНЫҢ КОЛЛЕДЖІШІЛІК КЕЗЕҢІ БАСТАЛДЫ

Білім беру ұйымдарындағы педагогтарды аттестациялау қағидаларымен таныстырып, педагогтарды қолдау, портфолиосын әзірлеуге көмектесу мақсатында "ПЕДАГОГ АТТЕСТАЦИЯСЫ: ОҚЫТУ, ЗЕРТТЕУ, ТӘЛІМДЕУ" тақырыбында әдістемелік —тәжірибелік семинар өтті.

Семинарда басшының ғылыми—әдістемелік жұмыстар жөніндегі орынбасары Гулжамал Жаңбырова ПББ ережелері жайлы түсіндірсе, колледж әдіскері Tolkin Kadir педагог портфлиосына қойылатын талаптарды таныстырды.

4 маусым - Қазақстан Республикасының мемлекеттік рәміздері күніне орай I, II курс студенттерімен кездесу ұйымдастырылды.              Кездесу кешінің конағы «AMANAT» партиясы Бейнеу аудандық филиалының төрағасы Жолышов Тұралы Ботақараұлы.
Кездесудің мақсаты білім алушының бойына отансүйгіштік, ұлтжандылық, патриоттық қасиеттерді қалыптастырып, еліне адал қызмет етуге тәрбиелеу.
Кездесу барысында
Тұралы Ботақараұлы өзінің өмір жолы тарихымен бөлісіп, болашақ ұрпақты білімді, еңбекқор және саяси сауатты болуға шақырды.
Сонымен бірге "білім алушыларды мемлекеттік рәміздерді қадірлеу тәуелсіз Қазақстанның әрбір азаматының қасиетті борышы. Мемлекеттік рәміздерді құрметтеу – елді, халықты, тарихты, әдет- ғұрыпты, салт- дәстүрді қастерлеу болып табылады. Сендер тәуелсіз еркін елде ер жеткен жастарысыздар. Ендігі жерде еліміздің тағдыры, Қазақстан ертеңі өз қолдарыңызда. Туған елімізді жоғары дамыған елдер қатарына енгізетін мына сендерсіңдер. Ол үшін сендер терең әрі жан – жақты білім алу керексіңдер" - деп сөзін аяқтады.
Білім алушылар Қазақстан Республикасының Мемлекеттік рәміздеріне байланысты ұяшықта жасырылған сұрақтарға жауап берді.
Сонымен қатар, студенттер «Аманат партиясының құрылу мақсаты неде?», «Аманат партиясына мүше болу үлкен жауапкершілікті талап ете ме?» т.б сұрақтар бойынша ақпараттар алды.

    ЖҮЛДЕМЕН ОРАЛДЫ

   Маңғыстау Облысының Білім Басқармасы Маңғыстау аймақтық дене тәрбиесі орталығының ұйымдастыруымен Техникалық және кәсіптік білім беру оқытушыларының облыстық спартакиадасының баскетболдан ерлер арасындағы жарыста колледжіміздің командасы жүлделі II орынға ие болды!

Студенттердің  ғылыми  қоғамының жұмыс жоспарына сәйкес,колледж директорының бұйрығымен,арнайы бағдарлама жасақталып  Бейнеу гуманитарлық колледжінде студент жастардың колледж  өмірінің түрлі салаларын дамытуға қатысуы мен рөлін арттыру, білім алушылар мен педагогтерді бірлескен қоғамдық мәнге ие кәсіптік бағдар қызметіне тарту, студенттердің ұжымдық жауапкершілік сезімін бекіту және қалыптастыра отырып мұғалім мамандығының беделін арттыру мақсатында 2022 жылдың  08-09 желтоқсан күні  колледжішілік  «Мамандықтар шеруі - 2022»байқауы өткізілді.

21-25 қыркүйек аралығында өткен тіл апталығы төтенше жағдайға байланысты ZOOM бағдарламасы бойынша өткізілді. 21-25 қыркүйек аралығында өтетін «Өзге тілдің бәрін біл, өз тіліңді құрметте!» тақырыбындағы тілдер апталығының ашылу салтанатын  Сарбалаева А, Жолдасбаева Г. ұйымдастырды. Қазақ ойшылдарының тіл туралы видеоролигі көрсетілді. Колледж директоры Қаныбек Әбдібекұлы видео- құттықтауы арналды. Колледж оқытушыларының тіл апталығының ашылуымен құттықтауы жолданды. Колледж оқушыларының тіл туралы белгілі ақындардың өлеңдері  қазақ тілінде, ағылшын тілінде, орыс тілінде мәнерлеп оқылды.

Бейнеу гуманитарлық-экономикалық колледжі  ағымдағы жылдың сәуір айының 4-17сі аралығында «Қауіпсіз интернет» республикалық ақпараттық компаниясының тұжырымдамасына байланысты  шараларды  жасөспірімдер мен кәмелетке толмағандардың, педагогтер мен ата-аналардың назарына агрессивті Интернет мазмұнының әсерінен болатын проблемаларды түсіну деңгейін арттыруға бағытталған ақпаратты жеткізу, Интернет ресурстарды қолдану мәдениетін, кәмелетке толмағандар мен жасөспірімдердің  Интернетке кіру белсенділігін бақылауға қатысты Интернет-қызметтерде ересек қолданушылардың жауапкершілігін жоғарылату мақсатында жоспарлы түрде ұйымдастырды. 

«Бейнеу гуманитарлық-экономикалық колледжі» МКҚК-де 2019 жылдың  30-шы қаңтары  күні 0101000 «Мектепке дейінгі тәрбие және оқыту» мамандығының  0101013 «Мектепке дейінгі ұйымдардың тәрбиешісі» біліктілігі және 0103000«Дене тәрбиесі және спорт» мамандығының 0103023 «Дене тәрбиесі пәнінің мұғалімі» біліктілігі бойынша студенттердің мамандықтарына деген қызығушылығын арттыруға, халықаралық стандарттарды оқыту-әдістемелік құралдарында пайдалануға, материалдық-техникалық базаны жаңғыртуға, сарапшылар мен колледж мұғалімдерінің біліктілігін арттыруға өзіндік үлесін қосу мақсатында  колледжішілік «WorldSkills Kazakstan-2019» байқауы өткізілді. 

Бейнеу гуманитарлық-экономикалық колледжінде 2018-2019 оқу жылының 03-08 желтоқсан аралығында «XXI ғасыр –техника ғасыры » тақырыбында Н.Аюпованың ұйымдастыруымен  информатика пәні апталығы өткізілді. Апталық аясында информатика пәні оқытушысы А.Жумагулова  «Smart технологиялар-сапалы білім беру негізі» тақырыбында баяндама жасады. 04.12.2018ж. күні информатика пәні оқытушысы Н.Аюпованың     ұйымдастыруымен колледж студенттерінің арасында информатика пәні бойынша пәндік олимпиада  болды.     

Қарашаның 29-30-ы күндері Бейнеу балалар және жасөспірімдер спорт мектебінде Аудандық мәдениет, дене шынықтыру және спорт бөлімінің басшысы Ы.Божановтың ұйымдастырумен Қазақстан Республикасы Тұңғыш Президент күні мерекесіне орай ерлер арасында баскетболдан өткен аудандық жарыста «БГЭК» командасы І орын алды. Осы мерекеге орай жерлестеріміз Әбілгерее Ербол мен Садақов Нұрболды еске алуға арналған қазақ күресінен ересектер арасында өткен облыстық ашық турнирде 74 кг салмақ дәрежесінде ІІІ орын алған «Дене тәрбиесі мұғалімі» біліктілігінің І курс студенті Базарбаев Н. марапатталды.

Желтоқсан айының 6-сы күні  Бейнеу гуманитарлық-экономикалық колледжінде жас мамандардың өзіндік білімдерін жетілдірулеріне жағдай жасау, оқытуда жаңа әдіс-тәсілдерді қолдана білуіне үйрету, жас мамандарға әдістемелік көмек көрсету  мақсатында әдістемелік кабинеттің ұйымдастыруымен «Жаңа әлемдегі жас маман шеберлігін арттыруда инновациялық амалдарды қолдану»   тақырыбындағы тәлімгерлер семинары болып өтті.

Студенттер арасында Елбасыға арнау өлеңдерді үш тілде мәнерлеп оқудан сайыс өткізілді. Бұл сайысқа колледж студенттері белсене қатысты. Талапкерлерді  ДӘЖЖО  Г.Жаңбырова,  ұйымдастырушы-педагог Т.Қадыр,  колледж кітапханашысы Ш.Жұмағұлова тыңдап, бағалады. 

Колледж кітапханасында "Бүгін-елдікке құрмет күні" тақырыбында кітапқұмар студенттерге виртуальды кітап көрмесі ұйымдастырылды. Кітапханашы Ш.Жұмағұлова  Тұңғыш Президенттің өмірін, өскен ортасын, азамат боп қалыптасу кезеңдерін айтып өткен соң, сөредегі кітаптар мазмұнымен таныстырылды. Тәуелсіз еліміздің 27 жыл ішінде қол жеткізген табыстары туралы әңгімелей келе, Н.Ә.Назарбаевтың "Ұлы даланың жеті қыры" жолдауында қарастырылған мәселелерге тоқталды. Шара барысында "Ұйымдастырушы-педагог" біліктілігі тобындағы студенттер мәнерлеп өлеңдер оқыды. Виртуальды кітап көрмесі жұмысын колледж ұйымдастырушы-педогогы Т.Қадыр қорытындылады.Осылайша студент жастарға  жаңа кітаптар таныстырыла отырып, кітапханамен байланыста болып кітап оқуға шақырылды.